Ծանր ռոքը կօգնի հաղթահարել մահվան վախը. news.am

Հոլանդիայից գիտնականների խումբը Գերմանիայից գործընկերների հետ համատեղ պարզել է, թե որ երաժշտությունն է բարենպաստ ազդեցություն գործում մարդու վրա: Հաղորդվում է, որ այդ խնդրի դեմ պայքարում մարդկանց կարող է օգնել ծանր ռոքը:  Heavy metal մեղեդիներն օգնում են հաղթահարել դեպրեսիան եւ նվազեցնում են վախն անխուսափելի մահից: Գիտնականները նման եզրակացության են հանգել` վերլուծելով այն փորձարկման արդյունքները, որին 30 կամավոր է մասնակցել:

Բոլոր փորձարկվողները փորձարկումից առաջ անհատական տարբեր որակներ են ունեցել եւ տարբեր տրամադրություն: Կամավորները ծանր եւ հանդարտ երաժշտություն են լսել, ինչից հետո պարզվել է, որ ռոք ոճում երգերն օգտակար են մարդու համար եւ նրա մեջ չարություն չեն առաջացնում, ինչպես համարվում էր նախկինում: Պարզվել է, որ ռոքը դրական ազդեցություն է թողնում մարդկանց ինքնագնահատականի վրա. այն բարձրանում է նման մեղեդիներ լսելիս:

Հիշեցնենք, որ ավելի վաղ ենթադրվում էր, որ ծանր երաժշտությունը մարդուն ագրեսիվ է դարձնում, ինչպես նաեւ վնասում է առողջությանը, բայց այս  հետազոտությունը հերքել է նախկին տվյալները: Նշվում է նաեւ, որ առողջությանը վնասում է ցանկացած երաժշտություն, եթե այն բավականաչափ բարձր են լսում:

Հարցեր, պատասխաններ, մեկնաբանություններ